Ndërkohë që opozita e bashkuar është tërësisht e fokusuar tek organizimi i protestës që do të bllokojë 5 akse kryesore të vendit, të rinjtë e forumeve politike kanë vendosur të organizojnë një protestë simpolike.
Para Parlamentit formuet rinore kanë zgjedhur të marrin me vetë nga një palë këpucë të familjarëve që iu janë larguar nga Shqipëria dhe bashkë me to edhe nga një flamur të shteteve përkatëse.
“Si asnjëherë më parë, Shqipëria është përballur me një numër të madh azilkërkuesish dhe emigrantësh. Të rinjtë, nuk kanë mundësi punësimi dhe as të përballojnë tarifat e arsimimit, ne kemi sjellë nga një palë këpucë të miqve dhe familjarëve që kanë ikur nga vendi. Çdo shqiptar e ka një histori të tillë, ka një familjar apo mik që është larguar nga vendi. Në këtë vend i është vrarë shpresa të rinjve”, ka thënë Belind Këlliçi, kreu i FRPD.
