Opozita do rikthehet në protestê.
Burime nga takimi i Kolegjit të Kryetarëve të degëve të PD-së kanë bërë me dije për “News24” se në muajin shkurt do të mbahet një protestë kombëtare.
Ndonëse nuk është caktuar ende data zyrtare, si mundësi janë datat 20 ose 22 shkurt.
Opozita mbajti një sërë protestash vitin që lamë pas.
Ajo kërkonte rrëzimin e Ramës dhe shtyrjen e zgjedhjeve lokale.
Mirëpo, kërkesat e tyre nuk u realizuan.
Ditën e djeshme opozita dhe maxhoranca u ulën në tavolinë, ku arritën një marrëveshje për Reformën Zgjedhore.
Palët ranë dakord që reforma të bëhet me konsensus dhe të ‘nxirret’ nga Kuvendi, për të marrë pjesë dhe opozita jashtëparlamentare.
Siç duket “paqja” mes dy kampeve ka qenë vetëm për Reformën Zgjedhore, e kërkuar me domosdoshmëri nga Bundestagu.
