Pasi ka përfunduar takimi mes krerëve në tryezën e Këshillit Politik, Opozita duket se ka dalë me propozime të reja.
Petrit Vasili, përfaqësuesi i Lëvizjes Socialiste për Intergrim tregoi për propozimin e ri që u shtrua nga opozita në mbledhje. Vasili tha se nuk mund të lejojmë që Partia Socialiste të krijojë një 30 qershor të dytë.
“Propozimi i ngjashëm me mekanizmin që u ndërtuan institucionet e reformës në drejtësi dhe çuditërisht maxhoranca ka pranaur një formulë për organet në drejtësi nuk pranon reformën zgjedhore. Të gjithë garancitë riprodhohen ashtu sic janë. Në të tre korpuset e KQZ ruhet raporti 3 me 2 por nuk mund të bëhet 5-0 për PS. Nuk mundet që garancia të zhbëhet. Në tërësinë e saj, propozimi ynë garanton ekuilibrin në marrjen e vendimeve, ka 0 privilegje për opozitën, por nuk i jep mundësinë PS që të prodhojë një 30 qershor të ri” u shpreh Vasili.
Ndërkohë që Oerd Bylykbashi, përfaqësues i Partisë Demokratike tha se propozimi është që është bërë nga opozita është një formulë që është në kushtetutë dhe me këtë formulë përzgjidhen organet e sistemit të drejtësisë.
“Ne kemi bërë propozim sot për një formulë të emërimit të anëtarëve të tre trupave të KQZ, të ekzekutivit, të organit rregullator dhe ankimor nëpërmjet një formule të mirë pranuar që sot është në kushtetutë dhe është formula për zgjedhjen e organeve të sistemit të drejtësisë. Një formulë që garanton një shqyrtim të pavarur jo politik të kandidaturave. Është një formulë që u kundërshtua nga mazhoranca pa asnjë arsyetim.”
