Policia e Shtetit ka njoftuar fillimin e operacionit të koduar “USDT-1”, i cili është duke u zhvilluar sot.
Ky operacion është rezultat i një hetimi të mirëorganizuar nga Drejtoria për Hetimin e Krimit Kibernetik pranë DPPSh-së, në bashkëpunim me Drejtorinë e Forcës së Posaçme Operacionale dhe Drejtorinë Vendore të Policisë Tiranë.
Deri tani, janë ekzekutuar masat e sigurisë “Arrest me burg” për 17 shtetas, pas një vendimi të Gjykatës së Tiranës, dhe janë kryer kontrolle në 32 ambiente në Tiranë dhe Shkodër.
Gjatë operacionit, janë sekuestruar pajisje kompjuterike, telefona celularë dhe shuma të mëdha parash, të cilat janë marrë si prova materiale.
Operacioni është ende në zhvillim, dhe Policia e Shtetit do të informojë më tej median dhe qytetarët pas përfundimit të tij.
