Ambasadorja amerikane në Tiranë, Yuri Kim, ka reaguar për operacionin e Prokurorisë së Posaçme për tenderin e uniformave të policisë, që çoi në pranga tetë zyrtarë dhe ish-zyrtarë të Ministrisë së Shëndetësisë.
Kryediplomatja amerikane thekson se është mirë që po shohim veprime anti-korrupsion në Shqipëri dhe se kjo ështe rruga e duhur për t’u ndjekir. Në një postim në rrjetet e saj sociale, Yuri Kim shprehet se abuzimi ose manipulimi i proceseve të prokurimit publik, është njësoj siç ështe dhe vjedhja.
“Na vjen mirë të shohim veprimet e SPAK kundër Korrupsionit. Abuzimi ose manipulimi i prokurimeve publike është njësoj si të vjedhësh të gjithë qytetarët, (përfshirë qytetarët amerikanë, taksat e të cilëve iu japin ndihmë), për të majmur kuletat e vetes ose të “miqve”. Ky është krim,” shkruan ambasadorja.
Operacioni i SPAK ka ardhur pas hetimit lidhur me tenderin për uniformat e policisë. SPAK nbëri me dije se më 11 qershor të vitit 2020, në Agjencisë e Blerjeve të Përqendruara në Ministrinë e Brendshme është zhvilluar procedura e prokurimit për llogari të Autoritetit Kontraktor, Drejtorisë së Përgjithshme të Policisë së Shtetit me objekt “Blerja dhe shpërndarje e uniformave dhe këpucëve të Policisë së Shtetit,” për katër vjet, me fond limit 2,8 miliardë lekë.
