Arjan Turku dhe Denis Meta janë vënë në prangat e Policisë këtë të premte, respektivisht në Itali dhe Spanjë, pasi ishin shpallur në kërkim ndërkombëtar, në operacionin e sotëm të Strukturës së Posaçme Kundër Korrupsionit dhe Krimit të Organizuar (SPAK). Arrestimi i tyre u bë nga shkëmbimi i informacioneve në kohë të shpejt mes Interpol Tiranës dhe autoriteteve spanjolle e italiane. Arjan Turku ka qenë i arrestuar ne Itali edhe në 2022.
43 urdhër-arreste janë lëshuar në total nga prokurori i SPAK, Alfred Shehu dhe vetë kreu i Prokurorisë së Posaçme Altin Dumani pas zbërthimit të aplikacionit Sky Ec. Bëhet fjalë për biznesmenin Mir Brruli, i afërm i Pëllumb Gjokës, i arrestuar në kuadër të operacionit “Metamorfoza”. ZËRI ka zbardhur dhe disa prej emrave për të cilët është lëshuar urdhërarresti. Bëhet fjalë për dy vëllezërit Duka, Leonard dhe Erlis Duka, Astrit dhe Altin Avdylaj, Durim e Valter Bami, Endrit Dokle, Plarent Dervishaj, Fatmir Hyseni, Elvis Ndreca, djali i xhaxhait të deputetit të PS, Eduard Ndreca, Fatmir Hyseni alias Doqja, Armando Ndreca, vëllai i deputetit të PS, Eduard Ndreca, Lulzim Berisha, si dhe Elvis Doçi, i njohur me nofkën ‘Visi i Pojës’.
Ndërkohë tre personave të tjerë që ndodhen aktualisht pas hekurave u është komunikuar masa e arrestit me burg. Bëhet fjalë për Xhevi Ndokën, vëllain e ish-deputetit Arben Ndoka dhe Albert Zajën, i dënuar për vrasjen e Shkëlzen Kastratit.
