SPAK ka arrestuar gjatë mbrëmjes së kaluar emra të njohur të botës së krimit, ku të përfshirë ishin dhe zyrtarë policie, mes tyre dhe Erzen Breçani.
Gazetarja Klodiana Lala ka bërë më dije se emrat e tjerë që u arrestuan dje janë Bujar Gërmizi dhe Besmir Mustati.
Mësohet se Germizi, që tashmë ka mbiemrin Ajeti, akuzohet për krijim kushtesh për vrasje, ndërsa është një emër i njohur në botën e krimit në Kukës.
Policia ka sshpallur në kërkim Ervin Matën, i cili akuzohet për trafik droge, ndërsa Dedan Gjoni akuzohet për krijim kushtesh.
OPERACIONI
Aplikacioni SKY zbërtheu një tjetër grup kriminal. SPAK lëshoi 11 urdhër arreste, të cilat u ekzekutuan të hënën në kryeqytet, ku u prangosën zyrtarë të lartë të policisë. Mes të arrestuarve është Dedan Gjoni, shef i krimeve në komisariatin e Policisë numër 6, Erzen Breçani, ish-nëndrejtor i policisë së Tiranës, i cili u vu në pranga në afërsi të stadiumit “Air Albania”. Ndaj tij, rëndon akuza e përkrahjes së autorit të krimit. Sakaq, pas hekurave ra edhe djali i Breçanit.
