Një operacion antikanabis është zhvilluar së fundmi në disa zona në veri të vendit. Kontrollet në territorin e njësive administrative Shosh, Shalë, Pult, Postribë, Shkodër kanë zbuluar rreth 4902 fidanë kanabis. Ndërsa në territorin e njësisë administrative Temal, Vau i Dejës, u gjetën 244 fidanë kanabis.
Po ashtu në territorin e njësisë administrative Gjegjan, Pukë, u gjetën 220 fidanë kanabis. Në pranga është vënë një 29-vjeçar i identifikuar me iniciale M.L., banues në fshatin Hot i Ri.
NJOFTIM I POLICISË:
Policia në Shkodër ka përfunduar operacionin e koduar “Territor i pastër”. Efektivët kanë asgjësuar në total 6201 fidanë kanabis sativa, teksa është arrestuar edhe autori i dyshuar i mbjelljes së drogës. Në pranga ra M.L 29 vjeç, banues në fshatin Hot i Ri.
“Shkodër/Vijon megaoperacioni policor anticannabis, i koduar “Territor i pastër”. Si rezultat i kontrolleve intensive në të gjithë territorin e qarkut, gjenden dhe asgjësohen 6201 fidanë të dyshuar kanabis.
Policia identifikon dhe vë në pranga autorin e dyshuar të kultivimit në malin e Shoshit, të 835 prej këtyre fidanëve.
Në kuadër të megaoperacionit kombëtar “Territor i pastër”, kundër kultivimit të bimëve narkotike, shërbimet e Drejtorisë Vendore të Policisë Shkodër dhe të komisariateve në varësi, kanë vijuar intensivisht kontrollet në të gjithë territorin e qarkut, me qëllim konstatimin dhe goditjen e rasteve të kësaj veprimtarie kriminale. Gjatë kësaj faze të megaoperacionit:
-në malin e Shoshit, u gjetën 835 fidanë kanabis. Si rezultat i hetimeve dhe veprimeve profesionale policore, u identifikua, u kap dhe u arrestua autori i dyshuar, shtetasi M. L., 29 vjeç, banues në fshatin Hot i Ri;
Kontrollet kanë vijuar në territorin e njësive administrative Shosh, Shalë, Pult dhe Postribë, Shkodër, u gjetën në total 4902 fidanë kanabis.
Po në vijim të kontrolleve në territorin e njësisë administrative Temal, Vau i Dejës, u gjetën 244 fidanë kanabis, ndërsa në territorin e njësisë administrative Gjegjan, Pukë, u gjetën 220 fidanë kanabis.
Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre fidanëve kanabis. Megaoperacioni “Territor i pastër” vijon. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, njofton policia.
