Tre persona janë vënë në pranga në Vlorë në kuadër të një operacioni të përbashkët policor që po zhvillohet paralelisht në Shqipëri, Itali dhe Gjermani. Në fokus është shkatërrimi i një organizate kriminale.
Gjatë operacionit ndërkombëtar të koduar “Sammogia”, u vunë në pranga shtetasit; Landi Kalemaj, Floriant Muho dhe Ledjon Muho.
Landi Kalemaj, 52 vjeç, Floriant Muho, 38 vjeç dhe Ledjon Muho, 33 vjeç, dyshohet se janë pjesëtarë të një organizate kriminale në Itali.
Për tre shqiptarët, Gjykata e Bolonjas ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale. Sipas njoftimit të Policisë së Shtetit, Interpol Tirana dhe homologët në Itali vijojnë bashkëpunimi për të kryer ekstradimin e këtyre shtetasve në Itali.
