Autoritetet e Policisë së Tiranës kanë bërë të mundur ditën e sotme arrestimin e 47-vjeçarit, i cili sipas informacioneve të marra dyshohet se i ka ofruar para një vajze të mitur në këmbim të marrëdhënieve seksuale.
47-vjeçari rezulton një person me precedentë penale të mëparshëm pasi ka qenë i dënuar për veprat penale si “Dhuna në familje” dhe “Plagosje e lehtë me dashje”.
Gjithashtu bëhet me dije se ky shtetas ka ushtruar dhunë fizike ndaj dy djemve të tij si dhe ka hyrë me forcë në banesën e një komshie të tij ku ka ushtruar dhunë fizike dhe ndaj saj. Gjatë kontrollit fizik nga forcat e policisë, i është gjetur një dorezë metalike.
Njoftimi i plotë i policisë: Tiranë
Nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë për veprat penale “Dhuna në familje” “Ngacmim seksual” “Mbajtja pa leje e armëve të ftohta” dhe “Dhunim i banesës” i shtetasit S. G., 47 vjeç, i dënuar më parë për veprat penale “Dhuna në familje” dhe “Plagosje e lehtë me dashje” pasi dyshohet se i ka ofruar para një shtetaseje të mitur në këmbim të marrëdhënieve seksuale. Gjithashtu, ky shtetas ka ushtruar dhunë fizike ndaj dy djemve të tij si dhe ka hyrë me forcë në banesën e një komshie të tij dhe ka ushtruar dhunë fizike dhe ndaj saj. Gjatë kontrollit fizik iu gjet dhe iu sekuestrua një dorezë metalike.
