Operacioni Forca e Ligjit (OFL), ka shkuar sot në Shkodër, ku u ka dërguar formularin e vetëdeklarimit të pasurisë dy personave të dënuar për veprën “Prodhimi dhe shitja e narkotikëve”.
Mësohet se i është dërguar formulari i vetëdeklarimit shtetasve:
Silvan Papaj banues në Shkodër, i dënuar për veprën penale “Prodhimi dhe shitja e narkotikëve”.
Sabah Rekaj banues në Shkodër, i dënuar për veprën penale “Prodhimi dhe shitja e narkotikëve”.
Njoftimi i plotë:
Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
Silvan Papaj banues në Shkodër, i dënuar për veprën penale “Prodhimi dhe shitja e narkotikëve”.
Sabah Rekaj banues në Shkodër, i dënuar për veprën penale “Prodhimi dhe shitja e narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
