Pas krijimit të Prokurorisë së Posaçme, shumë shpejt pritet të ngrihet edhe Byroja Kombëtare e Hetimit (BKH).
Për nga struktura, BKH i ngjan FBI-së dhe konsiderohet ndryshe dora e hekurt e SPAK.
Ambasada amerikane bën me dije se në Virxhinia janë duke u trajnuar 60 persona, të cilët prej muajsh kanë marrë të gjithë eksperiencën e nevojshme.
Ata do të kenë në dispozicion, të gjithë pajisjet modern të hetimit, shkruan “A2”.
Më parë ata do t’i nënshtrohen vetë testit në makinën e së vërtetës.
Oficerëve të BKH, do t’u monitorohen llogaritë bankare dhe kontaktet telefonike.
Gjithashtu ligji mbi SPAK-un, kërkon një mision ndërkombëtar që të mbikëqyrë BKH, drejtori i së cilës do të zgjidhet nga tre anëtarë të SPAK.
Prokurorët e SPAK do të kenë në duar dosje ministrash, e deri te kryeministri apo presidenti.
Ata do të hetojnë korrupsionin dhe krimin e organizuar deri në nivelet më të larta.
