Ditën e djeshme u raportua për një 33-vjeçar nga Korça i cili u gjet i pajetë në banesën e tij.
U dyshua se ngjarja kishte ndodhur për shkaqe natyrale, por lajmi është hedhur poshtë nga kushëriri i viktimës.
Sipas tij Erind Zhupani (viktima) ndërroi jetë duke qenë plotësisht i shëndetshëm, vetëm pasi bëri një gjilpërë në spital.
Për humbjen e të riut ka reaguar edhe djali i xhaxhait të tij, Albano Zhupani.
Ky i fundit shprehet se e ka shumë të vështirë të shkruajë pasi edhe dhimbja është shumë e madhe.
Ndërsa pas ekspertizës mjeko-ligjore e pas publikimit të lajmit se ai humbi jetën në mënyre natyrale në banesë, askush nuk ka reaguar më përveç familjarëve që fajësojnë mjekun ku Erindi u vizitua për vdekjen e tij.
