Pas aludimeve që Ilir Meta ka qenë pjesë e sigurimit të shtetit, kreu I Partisë së Lirisë ka ‘shigjetuar’ Ramën me anë të një postimi në rrjete sociale.
Meta, ka deklaruar se kryeministri Edi Rama ishte karikaturisti i preferuar i shkrimeve propagandistike kushtuar Sigurimit dhe spiunazhit të Partisë së Punës. Gjithashtu Meta u shpreh se fokusi i tij do të jetë zbardhja e grabitjeve të Ramës dhe dhënia e ndëshkimit të merituar për kreun e qeverisë.
“Partia e Punës e kishte Edi Ramën karikaturistin e preferuar të shkrimeve propagandistike kushtuar Sigurimit dhe spiunazhit. Ndërsa Partia Socialiste e ka Edi Ramën, Kryetarin e bandës së inceneratorëve. Pikërisht këtu do të fokusohemi dhe ne për të zbardhur grabitjet e tij galopante dhe për t’i dhënë ndëshkimin e merituar. Në foto: (Karikatura e Edi Ramës në revistën “Në shërbim të popullit”, 10 tetor 1983)”, shkruan ish-presideenti Ilir Meta teksa e shoqëron me fotot përkatëse.
Kujtojmë që para disa ditësh, Autoriteti për Informim mbi Dokumentet e ish-Sigurimit të Shtetit ka njoftuar se një person me iniciale I.M, rezulton se ka qenë bashkëpunëtori ish-Sigurimit.
“Në kuadër të punës së përditshme me përpunimin e materialeve të ish-Sigurimit të Shtetit, së fundmi Autoriteti është ndeshur me informacione dhe të dhëna mbi një personazh me profil të lartë politik. Institucionit iu kërkua nëpërmjet postës elektronike që të verifikohej figura e shtetasit I. M. në dosje të klasifikuara të ish-Sigurimit të Shtetit”
