Prokurori i Përkohshëm i SHBA-së Michael Sherwin deklaroi sot se po shikojnë të gjithë aktorët e përfshirë në trazirat në Kongres të mërkurën, duke përfshirë rolin që Presidenti Trump luajti në nxitjen e turmës.
Kur u pyet drejtpërdrejt nga një reporter nëse hetuesit po shikonin rolin që luajti Trump në tubim, Sherwin tha:
“Ne po shohim të gjithë aktorët këtu dhe këdo që ka pasur një rol dhe nëse ka prova ata do të akuzohen”, deklaroi Prokurori i Përkohshëm.
Presidenti aktual Donald Trump akuzohet se nxiti turmën duke e shtyrë drejt Kongresit, ditën e djeshme, në momentin kur kongresmenët po votonin në lidhje me certifikimin e fitores së zgjedhjeve nga Joe Biden. Për shkak të nxitjes së protestave, demokratët kërkojnë largimin ose shkarkimin e tij nga detyra edhe pse i kanë mbetur vetëm 13 ditë nga mandati.
Kujtojmë se ditën e djeshme turma njerëzish dhunuan dhe çan kordonin policor duke u future brenda ndërtesës së Kapitol Hill të Kongresit amerikan, ku po mbahej votimi për me certifikimin e fitores së zgjedhjeve nga Joe Biden.
Për shkak të përleshjeve me policinë pati 4 të vrarë, si dhe shumë të plagosur. Gjithashtu gjatë ditës së sotme janë arrestuar 68 persona për shkak të trazirave të djeshme. Presidenti i sapozgjedhur i SHBA-së, Joe Biden, i cili pritet të betohet më 20 janar zyrtarisht si President i vendit, deklaroi se dita e djeshme ishte një nga ditët më të errëta të Amerikës, ku u trondit demokracia./Gazetareforma.com/
