Ditën e sotme në ceremoninë ku kreu i qeverisë po propangandonte me ndarjen e certifikatave për fituesit e konkursit të pikturës “Shqipëria Ime”, një vajzë e vogël nga Berati ka shprehur dëshirën të ketë një shkollë në fshatin Goriçan, ku dhe ajo jeton.
Gati në fund të ceremonisë, kryeministri Edi Rama ka kërkuar foto me të gjithë të pranishmit, teksa një vajzë e vogël nga Berati ka gjetur momentin dhe i është afruar duke i treguar shqetësimin e saj.
Vajza e vogël fillimisht prek në shpatull kryeministrin Rama dhe i flet me zë të ulët.Ajo i tha se ka 3 vjet pa shkollë dhe ka shprehur dëshirën të ketë një shkollë në fshatin Goriçan. Ndërkohë kryeministri pasi dëgjon fjalinë e parë largon vëmendjen dhe më tej me vajzën flet ministrja Kushi.
“Kam tre vjet që nuk kam shkollë, kam shumë dëshirë që shkolla jonë të bëhet. Nga Berati, Goriçani,”- thotë vajza.
Kushi përpiqet ta sfumojë vajzën dhe ta përcjellë duke i thënë se po punohet. Pas kësaj vajza spostohet nga vendi.
Reagimi i kryeministrit Rama ishte i pritshëm duke mos e “përfillë” atë që vajza po shprehte e duke vazhduar kartolinën.
Ajo që vihet re në pamje është mënyra se si kryeministri e ‘delegon’ vajzën tek vartësja. Në momentin që prezanton disa fëmijë të tjerë, ai prek Kushin në sup dhe vetëm me një shikim bën që ministrja të kthehet pas e të flasë me vajzën.
