Gjendja alarmante e koronavirusit që kishte përfshirë Italinë në ditët e fundit duket se është qetësuar disi diten e sotme. Gjatë 24 orëve të fundit ka pasur një ulje në numrin e viktimave dhe rasteve pozitive me COVID-19.
Nga autoritetet shëndetësore italiane është raportuar se gjatë 24 orëve të fundit janë regjistruar 13 574 raste të reja infektimesh në krahasim me ditën e djeshme kur u konfirmuan 14 372 raste të reja. Po ashtu gjatë 24 orëve ka pësuar një ulje relativisht të lehtë edhe nurmi i viktimave. Janë regjistruar 477 raste të humbjes së jetës, në krahasim me dje jane më pak. Numri i viktimave një ditë më parë ishte 492. Lajmi i mirë është se gjatë dy javëve të fundit trendi i përhapjes së virusit ka rënë poshtë një. Sipas autoriteteve italiane, në të gjithë territorin e vendit, COVID-19 po tkurret.
Rajoni më i goditur që prej fillimit të pandemisë është Lombardia dhe më pas vjen Emilia Romanja. Italia numëron në total mbi 2 milionë e 500 mijë raste të konfirmuara me koronavirus, ndërsa numri i viktimave deri tani ka shkuar në më shumë se 87 mijë e 800. Janë më shumë se 1 milionë e 9 mijë persona që janë shëruar nga virusi, ndërkohë më shume se 460 mijë raste janë ende aktive.
