Teksa numri i aksidenteve rrugore mbetet në nivele alarmante, drejtori i DPSHTRR-së, Blendi Gonxhe ka paralajmëruar të rinjtë që janë përdorues të rrjetit social “TikTok” dhe që kanë nxjerrë trend lëvizjen me shpejtësi.
Gonxhe deklaroi në një dalje televizive se të rinjtë që janë shfaqur duke drejtuar mjetin me shpejtësi, po identifikohen dhe po gjurmohen.
Gjithashtu kreu i DPSHTRR theksoi se kodi ynë rrugor është pak i prapambetur, duke mos pasur aftësi të parashikojë atë që ka ndodhur javët e fundit.
“Kodi ynë rrugor ka mbetur pak mbrapa në kohë, është pak i prapambetur. Nuk mund të parashikojmë ato që ndodhën në javët e fundit. Për t’iu kthyer ngjarjeve në javët e fundit, sepse ato tregojnë shumë. Ka një psikozë kolektive dhe pati një antisjellje nga një numër “karagjozësh” “TikTok”-u që u eksituan pas aksidentit dhe tregonin shpejtësinë në video. Këto adresa po identifikohen dhe ende po gjurmohen, do i shkojmë deri në fund”, deklaroi ai.
Kujtojmë që Klevis Ruçaj, 20-vjeçari që humbi jetën në aksidentin tragjik në mbikalimin e TEG-ut ishte një shkelës i përsëritur i rregullave të qarkullimit rrugor. Ruçaj ishte gjobitur 5 herë brenda 5 muajve, ndërkohë që patentën e kishte marrë prej më shumë se një viti. Ndërkohë, janë identifikuar edhe dy të rejat që humbën jetën
