Socialistët deri më 8 Mars ditën kur do të dorëzojnë listat e kandidatëve për deputetë premtojnë surpriza.
Gazetari Top Channel Muhamed Veliu ka mësuar se PS i ka bërë një propozim ditët e fundit shefes së infektivit Najada Çomo për ta kandiduar në Tiranë.
Mësohet se ka qenë vetë kryeministri Rama që ia ka komunikuar këtë propozim përmes telefonit mjekes Najada Çomo. Nuk dihet ende nëse Najada Çomo e ka pranuar apo refuzuar këtë propozim.
E kontaktuar nga Top Channel, zonja Çomo nuk i është përgjigjur ende pyetjes për të komentuar këtë propozim të kryesocialistit Rama. Një ditë më parë ishte vetë kryeministri Rama që konfirmoi Etilda Gjonajn në listën e Tiranës.
Shefja e Shërbimit Infektiv, Najada Çomo është një ndër anëtaret e Komitetit Teknik të Ekspertëve. Prej ditësh kritika të shumta janë adresuar në emër të Komitetit, pasi nuk kanë marrë ende vendimin për masat e reja, pavarësisht shifrave rekord të vdekjeve.
Kujtojmë se sot një tjetër ndryshim i papritur u bë në kryesinë e komitetit. Ishte Meku Tritan kalo i cili njoftoi largimin e tij nga politika.
Kalo me tone të ashpra u shpreh se arsyeja kryesore e largimit është politika, e cila ka arritur ti përçajë mjekët, duke lënë dyshimtë se vetë komiteti teknik nuk po e kryen siç duhet detyrën në një kohë të jashtëzakonshme pandemie.
