Një 40-vjeçar ka ushtruar dhunë ndaj bashkëshortes së tij pasi nuk duronte dot faktin që ajo nuk bënte dot punët e shtëpisë.
Sipas mediave greke, dhuna në familje ka ndodhur më 16 shtator në Volos dhe ishte fqinji personi që njoftoi menjëherë Policinë sapo dëgjoi thirrjet për ndihmë të gruas.
Ndërkohë që në momentin kur policia u shkoi në shtëpi, bashkëshortja e tij është ankuar se i shoqi ka ardhur në shtëpi i dehur, i ka bërtitur dhe më pas e ka rrahur. Ai e goditi me grusht dhe më pas e kapi nga krahu dhe u përpoq t’i thyente kyçin e dorës.
Vlen të theksohet fakti se gruaja prej shumë vitesh ishte viktimë e dhunës në familje, por siç ka përmendur, i pranon këto sjellje dhe nuk flet dhe as nuk e kishte denoncuar më parë të shoqin.
Mirëpo pardje ajo u frikësua shumë dhe u largua menjëherë nga shtëpia duke marrë me vete fëmijën e tyre.
Por 40-vjeçari, i paidentifikuar për mediat greke, tha se ka pasur vetëm një moment tensioni sepse gruaja e tij nuk e kishte pastruar shtëpinë. Tashmë ai është arrestuar për dhunë në familje dhe do të dalë para Gjykatës për t’u njohur me dënimin e tij.
