Kryeministri Edi Rama ka komentuar moskandidimin e Ditmir Bushatit në asnjë listë për zgjedhjet e 25 prillit. Rama ka thënë se pa Paulin Stërkajn Bushati nuk merrte dot as dy deputetë. Sipas Ramës, Bushati nuk ka punuar mjaftueshëm me njerëzit e prandaj nuk është përfshirë në lista. Ndërkohë ai ka përgëzuar disa prej kandidatëve dhe Gramoz Ruçin për të cilin ka thënë se e hap telefonin edhe në dy të natës.
Më herët Bushati dhe Rama kanë pasur edhe jë debat, ku mësohet se ish-ministri i ka thënë Ramës të mos kandidojë emra të lidhur me krimin.
“Pa Pualin Sterkën në Shkodër, Bushati si drejtues nuk merrte dot dy deputetë. Ai rri me njerëzit në çdo moment, spitale dhe si ai ka shumë. Kush i bën të dyja është i nderuar. Çfarë ka më pak Bledi Klosi, nuk di të bëj debate, është i pesti sot në Berat, sepse ka punuar shumë me njerëzit dhe ne sot synojmë pesë prej atij njeriu. Damian Gjiknuri, si i merr rezultatet me fantazitë e tyre. Gramoz Ruci është njeriu që mund të thotë po rri këtu, ma bini rezultatin dhe e kemi për detyrë. Është njeriu që ka numrin më të madh të telefonave të njerëzve në telefon, ai të hap telefonin në 2 të natës, historikisht. Si shkohet në Fier dhe merr 10 deputetë, sepse heq kravatën dhe është fshat më fshat, jo për fushatë por sistematikisht zgjidh hallet e njerëzve. Taluant balla atje, si do marrim 9 në Elbasan, ku në 2017 morëm 7. Në atë formë ku Librazhdi ishte rrotë më rrotë, e kemi bërë sikur të jetë sheshi kuq. Shkoni në Librazhd dhe më thoni një person që se ka takuar njëherë Tulant Ballën. Kjo është partia, të gjitha të tjerat janë estrada për argëtim”, tha Rama.
