Planetit tonë po i kanoset një rrezik i madh i cili po vjen nga shumë shumë larg. Është fjala për një gur të madh qiellor i cili sipas të gjitha gjasave do ta godasë planetin tonë në një datë të caktuar, paralajmërojnë astronomët e Universitetit të Hawait në SHBA.
Shkencëtarët duket se tani po rivlerësojnë potencialin e tij për të goditur planetin tonë, të paktën pas 48 vjetësh, për shkak të vëzhgimeve të përmirësuara të asteroidit problematik.
Dihet që vetëm një pjesë e vogël e objekteve në hapësirë paraqesin një kërcënim serioz për Tokën, dhe asteroidi gjigant “Apophis” është njëri prej tyre.
Sipas paralajmërimit të shkencëtarëve, sipas llogarive, ai do të përplaset në Tokë më 12 prill 2068.
Ndërkohë, vëzhgimet e bëra në fillim të këtij viti nga Teleskopi “Subaru” në Hawai, po u jep astronomëve një kuptim më të mirë se, si efekti “Yarkovsky” po ndikon në rrugën orbitale të asteroidit “99942 Apophis”.
Ky efekt është si një sistem shtytës i integruar për asteroidët, në të cilin sasitë e rrezatimit që rrjedhin mund të ndryshojnë momentin e një objekti në hapësirë, duke bërë që ai të largohet gjithnjë e më pak nga rruga e zgjedhur ndryshe nga graviteti.
Dave Tholen, një studiues nga Instituti për Astronomi në Universitetin e Hawait, është shprehur se: “Pa marrë parasysh domethënien e Yarkovsky, Apophis është ende një objekt kërcënues, jo vetëm në 2068”.
Një përplasje me Tokën edhe pse duket e pamundur, mund të shkaktojë dëme shumë të mëdha. Apophis, i mbushur me nikel dhe hekur, ka një gjerësi mbi 300 metra. Një ngjarje e tillë katastrofike ndodh në Tokë rreth një herë në 80,000 vjet.
/GazetaReforma.com/
