As sot nuk do të ketë pushim për protestuesit në të gjithë Shqipërinë!
Më shumë se sa një mllef kundër policisë për vrasjen e një të riu, bashkëmoshatar të tyre, të rinjtë e vendit duket se kanë marrë mbi shpatulla një detyrë patriotike, ose një mision kombëtar, atë të rrëzimit të një “junte diktatoriale” që po u cenon lirinë dhe të ardhmen në këtë vend.
Edhe sot është njoftuar që në orët e para të mëngjesit një protestë madhështore në kryeqytet, ku të rinjtë nga rrjetet sociale kanë bërë thirrje për të qenë të shumtë në numër dhe të vendosur.
Protesta për vrasjen e të riut 25-vjeçar, Klodian Rasha, do të futet kështu sot në ditën e katërt të saj, ku paralel me masat e ashpra që po merr policia, edhe të rinjtë duket se do të organizohen në format e gueriljes urbane.
Ishte reperi Stresi ai i cili postoi në ‘instastory’ se në orën 18:00 do të jetë i pranishëm së bashku me qytetarët, të cilët do të jenë në shesh për të protestuar.
Reperi kërkon që t’u bëjë me dije të gjitha postoblloqeve se, kudo do të jenë qytetarët e shpërndarë. Ndër të tjera ai bën me dije se do të jetë ‘si fantazmë’ në mesin e tyre.
/GazetaReforma.com/
