Bordi i Tranparencës nuk ka të ndalur me mos ekulbrimin e çmimit të naftës dhe benzinës. Ditën e sotme është vendosur një rritje çmimet të naftës dhe benzinës me 10 lekë për litër.
Vendimi konsiston që sot që një litër naftë do të tregtohet tashmë me 243 lekë, nga 233 lekë që ishte deri sot, sipas vendimit që ishte marrë në datën 27 prill. Ky është niveli më i lartë që nga data 26 mars.
Gjithashtu në rritje është edhe benzina, që do të tregtohet me 223 lekë, nga 213 lekë që ishte deri tani. Gazi është rritur me dy lekë për litër, në 106 lekë.
Aktorët e tregut pohojnë se arsyet e shtrenjtimit lidhet me rritjen e karburantit në bursat ndërkombëtare, që ka arritur në 1200 dollarë për ton. Edhe në këto nivele që po tregtohet nga ne, ata pohojnë se çmimet e bordit janë nën kosto dhe prej tre ditësh ata po operonin me humbje, raporton Monitor.
Theksojmë se “Gazeta Reforma” vazhdimisht ka bërë krahasimin midis çmimit të naftës në bursë dhe atij që është vendosur herë pas herë nga Bordi i Transparencës në vendin tonë. Kemi konstatuar me anë të vlerave krahasuese, se çmimi i vendosur nga Bordi i Transparencs nuk e ka reflektuar çmimin me të cilin nafta shitet në bursë.
Gjithashtu përtej kësaj, një element tjetër që ne kemi konsideruar si faktor influncues tek çmimi i hidrokarbureve, janë edhe protestat civile kundër rritjes së çmimeve.
Në momentin që ka pasur protesta, jo rastësisht, çmimi i vendosur nga Bordi ka qenë në tendecë rënie, ndërkohë që kur shoqëria civile bën “pauzë” nga rebelimi kundër abuzimeve, çmimet rriten.
