Ambasada Greke në Shqipëri me anë të një njoftimi zyrtar, ka lajmëruar se masat kufizuese për shtetasit që udhëtojnë nga Shqipëria drejt Greqisë mbesin po të njëjtat. Më tej lajmëron se këto masa do të jenë në fuqi deri më datë 7 korrik.”Masat kufizuese që janë ndërkohë në fuqi për personat që udhëtojnë nga Shqipëria për në Greqi, mbeten në fuqi ashtu siç janë sot, deri në datën 7 qershor 2021″, ka shkruar në njoftim ambasada greke.
Pra mbeten në fuqi vendimi i marrë më 22 maj i cili do të shtyhet deri në datë 7 korrik, vendimi se nga ora 08:00-16:00, do të lejohet hyrja e shtetasve shqiptarë në drejtim të Greqisë, të cilët mbajnë statusin e punëtorit sezonal.
Në njoftim thuhet se këta shtetas para se të futen në territorin grek, do t’i nënshtrohen një testi të shpejtë Covid-19, në Pikën e Kalimit Kufitar Kapshticë. Gjithashtu mësohet se kuota e pranimit ditor do të jetë 400 persona të cilët gjithashtu duhet të plotësojnë formularin e regjistrimit PLF në adresën e vënë në dispozicion.
Njoftimi i plotë i datës 22 maj:
Drejtoria Vendore e Kufirit dhe Migracionit Korçë.
Stacioni i Policisë Kufitare Kapshticë:
Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare se duke filluar nga dita e sotme, deri në datën 31.05.2021, nga ora 08:00-16:00, do të lejohet hyrja e shtetasve shqiptarë në drejtim të Greqisë, të cilët mbajnë statusin e punëtorit sezonal. Këta shtetas më parë, do t’i nënshtrohen një testi të shpejtë COVID-19, në Pikën e Kalimit Kufitar Kapshticë.
Sqarojmë se kuota ditore e pranimit është 400 persona, të cilët gjithashtu duhet të plotësojnë formularin e regjistrimit PLF në adresën http://ëëë.travel.gov.gr dhe pasi të kenë marrë konfirmimin, mund të lejohen që të hyjnë në tokën greke.
Asnjë kategori tjetër nuk do të lejohet të hyjë drejt Greqisë (shërbim taxi, mjete të tonazhit të rëndë apo shtetas me leje qendrimi, shtetas grekë apo europianë të tjerë).
Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.
Duke ju falenderuar për mirëkuptimin.
