Teksa gjithë bota është paralizuar nga COVID-19, disa shtete vendosën ta menaxhojnë ndryshe situatën, siç është Suedia që në fillimin të pandemisë tërhoqi vëmendjen e të gjithve, pasi nuk mori pothuajse asnjë masë.
Ky vend tregoi një qasje të ndryshme ndaj koronavirusit, nga të gjithë faktorët e tjerë ndërkombëtarë, duke i besuar publikut në marrjen e masave vullnetare, pra vetëndërgjegjësimi publik.
Qeveria e Suedisë insistoi te puna në shtëpi kur është e mundur, duke shmangur lëvizjet dhe të moshuarit u këshilluan të shmangin kontaktet sociale.
Restorantet, baret, kafenetë dhe klubet e natës iu tha të ofrojnë vetëm shërbim të tryezave të ulura, teksa tubimet e më shumë se 50 njerëzve janë të ndaluara.
Si e tillë, në krahasim me kudo tjetër në Europë, jeta në Suedi dukej jashtëzakonisht normale.
Çfarë di Suedia që po vepron ndryshe nga e gjithë bota në këtë situatë pandemie?
Mirëpo, ajo çka paraqitet në kopertinë është krejt ndryshe nga brendësia!
Siguria e tepërt në mosmarrjen e masave, të këshilluara nga Organizata Botërore e Shëndetësisë, ka bërë që Suedia të përballet me pasojat e para.
Ndonëse numri i viktimave është i ulët, 887, krahasuar me numrin e të infektuarve, 10,151, vihet re se numri i të vdekurve në Suedi është shumë më i lartë sesa në vendet fqinje si Danimarka (247) dhe Norvegjia (113), që vendosën kufizimet në muajin mars.
Vetë kryeministri suedez Stefan Lovfen ka pranuar se nuk është bërë mjaftueshëm në marrjen e masave ndaj COVID-19, duke shfaqur pendesën e tij për këtë gjë.
“Duket qartë për ne që nuk kemi bërë sa duhet,” tha kryeministri Stefan Lofven për kanalin TV SVt, pas rritjes së rasteve.
Boomerang! Suedia e penduar që nuk mori masa për koronavirusin
Mirëpo, pendimi nuk vlen më tashmë sepse bilanci nga koronavirusi në shtetin nordik është thelluar ndjeshëm brenda 2 ditësh.
Deri tani janë konfirmuar 11,445 raste me COVID-19 dhe 1,033 viktima, nga 887 që ishte më 12 prill, duke u rritur me 146 viktimash për dy ditë.
