Kryetari i Bashkisë së Selenicës, Pëllumb Binaj ka reaguar pasi policia njoftoi ditën e sotme se ai ishte dhunuar gjatë detyrës. Binaj ka konfirmuar se ngjarja është e vërtetë dhe bëri me dije se ka ndodhur për shkak të mosmarrëveshjes mes shoferëve për të transportuar mësuesit. Ai vuri në dukje se kjo leje nuk japet nga Bashkia, por nga Drejtoria Arsimore, ndërsa theksoi se 57-vjeçari Perlat Bonaj ishte i dehur në momentin që e qëlloi.
“Nuk ka lab që nuk pi por nuk bëhet kështu”, ka thënë Binaj teksa ka shpjeguar ngjarjen.
“Personat që më kërkuan takim nuk kishin lidhje me incidentin, por gjatë diskutimit erdhi pronari i shoferëve i cili goditi direct, më shau, kërcënoi, gjithcka që mund të bëjë një njeri i dehur, sepse një njëri normal nuk i bën këto.
Funksionojnë dy licensa që nuk kanë lidhje me firmën time dhe si shoqëri ka bllokuar 3 orë të mëngjesit në favor të aktivitetit të tij, është aktivist dhe në bujqësi, unë kam folur me superlative me të, për këtë problem i thashë Perlat lejo një orar për djalin nga Sevasteri sepse ka licensë.
Të gjitha burrat e fshatrave të ndryshëm kanë linjat e tyre, i vetmi fshat që ska një orar ka qenë Sevasteri dhe prandaj duhej licensa.
Kjo e drejtë për të transportuar nuk e jep Bashkia, por DAR seps ata çonin mësuesit në banesat e tyre dhe në shkollë.
Ky tani e shfryu te ne, më kërkoi të hiqja licensën e 2017 të djalit tjetër, në metodë të punës të tij ai do që në sektorët e tij të jetë i pacenueshëm, por nuk mund të krijoijë monopol për linjat sepse ka ulur shërbimin dhe i ka ikur klientela. Nuk ka lab që nuk pi por nuk bëhet kështu”, ka thënë Binaj.
