Detaje të tjera tronditëse janë zbuluar për Saimir Meeçanin, 36-vjeçari që përdhunoi dhe rrahu gjyshen në Lushnjë. Nga familjarët e tij mësohet se kjo nuk ishte hera e parë që një veprim kaq i rëndë ndodhte. Diçka e tillë mësohet të ketë ndodhur edhe më parë kur Saimiri ka qenë në Greqi. Të afërmit e tij kanë thënë se disa vite më parë ai ka abuzuar seksualisht edhe me një mbesën e tij në Greqi. 36-vjeçari është arrestuar nga autoritetet e shtetit fqinj, por është liruar pak kohë më vonë, pasi të afërmit e kanë falur.
Ditën e djeshme Gjykata e Lushnjes vendosi masën arrest me burg për Saimir Meçanin. Ai i mohoi akuzat dhe është shprehur se nuk e ka dhunuar seksualisht gjyshen e tij, por ka qenë baba ii tij ai që e ka sajuar gjithë historinë. 36-vjeçari pretendon se akuzat që i ati ka hedhur ndaj tij se ka dhunuar edhe mbesën e tij në Greqi,nuk janë të vërteta . Pretendimi i tij është se ka qëndruar në burg vetëm për probleme dokumentash.
Pak ditë më parë ngjarja e rëndë tronditi Lushnjen, ku 36-vjeçari Saimir Meçani dhunoi brutalisht dhe përdhunoi gjyshen e tij 89-vjeçare.Ka qenë Ismet Meçani, ai që e ka gjetur të ëmën e tij të zhveshur dhe të dhunuar dhe ka akuzuar të riun se e ka përdhunuar.
