Rimbursimi i ilaçeve për disa sëmundje specifike është një e drejtë që qytetarët e kanë të drejtën ta përfitojnë. Pensionistja Drita Mullai për “Fax News” shprehet se bashkëshorti i saj nuk merr rimbursim për ilacin “Gliatilin” e cila përdoret për personat që kanë kaluar trombozë në tru. Ajo thotë që ky shqetësim i saj është ngritur që prej muajit shtator.
Drita ndër të tjera bën edhe krahasimin me vendin fqinj, Italinë, ku ata bashkëshorti i saj ka bërë analiza, kimio dhe shumë trajtime të tjera mjekësore pa paguar asnjë euro.
Qytetarja i bën apel ministres së shëndetësisë që ta rimburësojë këtë ilaç për të sëmurit që janë me këtë diagnozë.
“Shqetësimi im është që prej shtatorit nuk marrim rimbursimin e ilaçit “Gliatilin” që e përdot bashkëshorti Bardhyl Mullai i cili ka kaluar trombozë në tru. Nuk ka mungesë nga ky ilac, por prej shtatorit i kanë hequr rimbursimin duke ia lënë vetëm veteranëve të luftës. Nuk e di sa veteran kanë ngelur që përdorin këtë ilac me rimbursim. Të gjitha ilaçet e burrit i marr pa rimbursim por kjo “Gliatilin” më kushton më shumë sepse 1 tabletë me 14 kapsula kushton 13 mijë lekë të vjetra, ai merr 3 në ditë, llogariteni sa shumë na kushton ne pensionistëve që marrim vetëm 150 mijë lekë pension. Në Itali kemi bërë kimio, analiza cdo gjë në spital pa paguar asnjë euro. Sa erdhëm këtu bëra operacion burrin nga prostata, ngeli sakat.
Mesazhi për ministren – “Ju lutem mendo që të na rimbursosh këtë ilac për kaq pak të sëmurë që janë me këtë diagnozë që mos arrijmë deri në atë ditë dhe të sëmuremi mendërisht. Nuk i vuan as shteti as ministrat por i vuajnë familjarët”
