Kryeministri i Kosovës, Albin Kurti ka thënë se vendimi për reciprocitetin e targanve me Serbinë nuk është provokim e as diskriminues. Ai shprehet në një postim në Tëitter se ose Kosova dhe Serbia kanë të dyja të drejtë, ose të dyja gabojnë.
“Ky nuk është një provokim, as diskriminues. Në këtë masë reciproke, ose Kosova dhe Serbia kanë të drejtë ose të dyja gabojnë. Ose ne i mbajmë të dy llojet e targave ose ato do të hiqen krejt. Liria e lëvizjes është një e drejtë që nuk duhet dhe nuk do të shkelet nga Republika e Kosovës”, shkruan Kurti.
Ai është ndalur edhe te takimi i sotëm me ambasadorët e QUINT-it dhe EUOK në lidhje me vendimin e djeshëm dhe ka thënë se i ka informuar se nuk ka ndodhur asnjë incident dhe se policia është atje për të ruajtur rendin dhe sigurinë.
“Sot, me ministrin Xhelal Sveçla, u takuam me ambasadorët e QUINT-it dhe kreun e EUOK në lidhje me vendimin e djeshëm për sigurimin e targave të përkohshme për makinat që hyjnë në RKS me targa serbe. I informova se nuk kishte ndodhur asnjë incident dhe se policia është atje për të ruajtur rendin dhe sigurinë”, bën me dije Kurti.
