Ministri i Shëndetësisë Venko Filipçe ka deklaruar ditën e sotme se situata nga koronavirusi në Maqedoninë e Veriut është e qëndrueshme, por ka bërë thirrje që qytetarët të jenë të kujdesshëm dhe se akoma nuk është koha që të hiqen maskat.
Gjatë një deklarate për mediat Filipce tha se qytetarët duhet të jenë të kujdesshëm dhe se nëse ka përkeqësim të gjendjes epidemologjike, si Qeveri janë të gatshëm për masa të reja. Më tej ai tha së në territorin maqeonas ka rreth 20 lloje të koronavirusit dhe se këto ditë priten rezultatet e hulumtimeve më të reja të ASHAA sa i përket pranisë së virusit britanez.
“Tani kemi gjendje stabile, shpresoj të vazhdojë kështu. E ndjekim gjendjen dhe jemi të gatshëm të ndërmarrim edhe masa të reja epidemiologjike nëse ka përkeqësim të sërishëm. Duhet të jemi të kujdesshëm. Gjendja tani për tani mbetet stabile, spitalet janë zbrazur dhe shfrytëzohen vetëm 30 për qind e kapaciteteve. Me uljen e numrit të të hospitalizuarve, ulet edhe numri i vdekjeve”, tha Filipçe.
Sakaq Ministria e Shëndetësisë ka njoftuar se se 7 pacientë kanë humbur jetën gjatë 24 orëve të fundit. Sipas autoriteteve janë realizuar 2,107 testime prej të cilave kanë rezultuar pozitivë 373 raste. Ndërkohë që nga fillimi i pandemisë janë shëruar 638 pacientë, ndërsa 2,900 kanë humbur jetën.
