Mirlinda Karçanaj ka zbardhur detaje të reja në lidhje me sulmin iranian ndaj vendit tonë.
Karçani ka deklaruar se secili prej katër grupeve të angazhuara në këtë operacion kishte një rol të caktuar, ku çdo ekip do të kryente një pjesë të veprimtarisë, me qëllim final eliminimin e sistemeve dhe të dhënave të shqiptarëve.
Ambasada Amerikane na suportoi me skuadrën më të përgatitur të FBI për Cyber që ka punuar një muaj për analizën duke dalë në të njëjtin përfundim si ne. Ndërkohë që ne ndihmonim të dyja skuadrat me analizë duhet të ngrinim edhe sistemet pasi qytetarët ishin pa shërbime. Sërish u përfshi Crisp, një nga skuadrat e Microsoft për recovery, dhe në 2 janë 10 përqindëshi që u fshi u rikuperua. Kjo për shkak se kemi Back Up-e.
Nga ky moment nisi edhe puna jonë për kalimin në aproacing 0 trust, moment kur Microsoft dhe FBI arritën në përfundimin se çfarë kishte ndodhur. Na kishin sulmuar katër skuadrat më të zgjuara të Iranit, të mbështetura nga shteti i Iranit, i kishin ndarë shumë mirë rolin, njëra për të nisur sulmin dhe krijuar terren, tjetra për të lëvizur brenda infrastrukturës sonë, një tjetër sërish për hyrjen, sepse donin siguri që do të hynin dhe e fundit skuadra e zjarrit që do të bënte wiper”, tha ajo.
Duke mos ditur që punimet e komisionit po transmetoheshin në faqen e Kuvendit, ajo ka zbuluar detaje nga sulmi iranian.
Kur një nga anëtarët e ekipit të saj e informoi se gjithçka po shfaqej drejtpërdrejt, zonja Karçanaj kërkoi që transmetimi të ndërpritej dhe punimet të vazhdonin pa praninë e kamerave.
