Presidenti i Azerbajxhanit, Ilham Aliyes ka thënë mbrëmjen e sotme se është i gatshëm të kthehet në bisedime për Nagorno-Karabakh, por se nuk dëshiron të bëjë lëshime për Armeninë dhe se asnjë shtet nuk mund të ndikojë në vullnetin e Bakus në konflikt.
Aliyev gjatë një fjalimi televiziv drejtuar popullit tha se nuk do të kishte bisedime nëse Armenia do të vazhdonte të insistonte se Nagorno-Karabakh është pjesë e territorit armen, raporton Reuters.
“Le ta dinë ata që mbajnë bisedime në Moskë se është territori ynë dhe ne nuk do të bëjmë asnjë lëshim,” tha Aliyev pasi Ministri i Jashtëm i Azerbajxhanit Jeyhun Bayramov fluturoi për në Moskë.
Ai tha se kishte provuar se kishte një zgjidhje ushtarake për mosmarrëveshjen: “Ne po fitojmë dhe do të rimarrim territorin tonë dhe do të sigurojmë integritetin tonë territorial,”tha Aliyev.
Ai shton se përdorimi i forcës nga Azerbajxhani ka ndryshuar faktet në terren dhe se ka provuar se ka një zgjidhje ushtarake për mosmarrëveshje.
Përplasje të reja kanë ndodhur të premten mes dy vendeve, derisa ishte planifikuar një takim mes ministrave të jashtëm në Moskë.
