Këtë të hënë do të paraqiten në Gjykatën e Tiranës Havier dhe Rozeta Dobi, nënë e bir, të cilët akuzohen se në bashkëpunim kanë realizuar vjedhje shumash të mëdha parash dhe bizhuteri. Ndërkohë ësëhtë bërë publike një letër që Havier Dobi i ka dërguar të dashurës së tij nga ambientet e paraburgimit.
I riu i ka kërkuar të dashurës së tij që ta presë jashtë dhe të durojë për vetëm 2 muaj se më pas do ta lënë të lirë. Në letër ai e etiketon të dashurën e tij si ‘nuçja’.
Kujtojmë se Rozeta dhe Havieri u arrestuan pas dyshimeve se kishin vjedhur në shumë parash dhe bizhuteri që kapnin vlerën e 120 mijë euro. Vjedhja ndodhi në një banesë në Tiranë, që i përkiste ish-shefes së kabinetit të ish-zv. kryeministrit Arben Ahmetaj.
Pronarja e banesës e kishte denoncuar ngjarjen në polici më 15 dhjetor.
Por mesa duket kjo nuk kishte qenë vjedhja e vetme e sanitares milionere, pasi dje iu gjetën të fshehura në tubin e aspirimit në banesë dhe mbi 400 mijë euro. Rozeta Dobi dhe djali kishin ndërtuar një skenë të mirëfilltë dhe grabisnin banesat ku ajo punonte si pastruese, ndërsa ndaj saj thuhet se ka pasur 5 denoncime. Havieri reklamonte jetën e luksit edhe në profilet në rrjetet sociale.
