Përgjatë vizitës në Gjermani kryeministri Rama ka pasur një komunikim me gazetarët. Ndër të tjera Rama është pyetur nëse do të ketë një vizitë nga ana e tij drejt Kievit.
Por Rama u përgjigj se për momentin një protagonizëm i tillë nuk ishte i nevojshëm. “Ka të tjerë para meje që meritojnë ta kenë këtë protagonizëm, mendoj se nuk është momenti që tju zë radhën të tjerëve. Nëse do të vinte radha, padyshim që do e pranoja këtë vizitë me respektin më të madh”, përfundoi fjalën kryeministri.
Theksojmë se nuk kanë munguar as pyetjet në lidhje me me shpalljen “non grata” të Aqif Rakipit, në një kohë që djali i tij u fut në listat e PS-së.
Ndaj kësaj pyetje kryeministri nuk preferoi që të jepte një përgjigje duke thënë se këto “tema diskutohen në katund”, që nënkuptonte në këtë rast Shqipërinë. Por kryeministri preferoi të qëndronte i “qetë” duke mos iu përgjigjur gazetarëve as për pyetjet e tyre në lidhje me diskutimet që mazhoranca do të ketë me opozitën, dhe se kë nga PD do të njohë partia që ai drejton.
Kujtojmë që gjatë ditës së djeshme, ish-deputeti Aqif Rakipi, u fut në listën e personave të sanksionuar nga Thesari i Shtetit amerikan, pasi sipas DASH ka pasur kontakte me persona të botës së krimit, me qëllim blerjen e votave.
