Infektimet në stafin mjekësor në Spitalin e Elbasanit vijojnë të rriten.
Këtë herë një mjek kirurg që punon në qendrën spitalore “Xhaferr Kongoli” është infektuar me COVID-19. Mjeku e ka marrë përgjigjen që me 1 shtator, por infektimi i tij është bërë publik në media ditën e sotme.
Ndërkohë që edhe disa ditë më parë një tjetër mjek kirurg urolog në Spitalin e Elbasanit doli pozitiv me COVID-19.
Që nga fillimi i panndemisë e deri më tani në Elbasan kanë humbur jetën 17 persona, ndërsa janë shënuar 129 raste aktive.
Gjatë 24 orëve të fundit në vendin tonë janë kryer 835 testime dhe janë identifikuar 116 qytetarë të prekur nga virusi COVID-19. Ndërkohë 150 qytetarë e kanë fituar betejën me virusin e rrezikshëm në 24 orët e fundit, duke e çuar në 5732 që nga fillimi i epidemisë.
