Abuzimi me fondet në vendin tonë nuk po njeh më limit e mesa duket po përdoret cdo metodë për të zhvatur sa më shumë. Rasti më flagrant është përmes metodave inovative të teknologjisë.
Ndoshta nuk u ka rënë “në vesh më parë”, por një prej tyre është edhe Pago aplikacioni përmes të cilit përdoruesit mund të paguajnë fatura, të bëjnë transferta bankare, të përfitojnë shërbime dhe oferta. Në një kërkim të thjeshtë, Pago rezulton i licensuar (Nr. 52, datë 22.01.2022) nga Këshilli i Mbikqyrjes pranë Bankës së Shqipërisë si institucion financiar i parasë elektronike.
Deri këtu është në rregull, por ky aplikacion në kërkimet e fundit të bëra nga eksperti Gent Progni rezulton në shkelje dhe abuzim flagrant në fondet e shtetit. Pago ka përfituar një fond prej 63 milion lekësh nga projektet fituese të “Thirrjes për Masa Mbështetëse 2024”, një nga nismat e akorduara nga qeveria shqiptare në mbështetjen e inovacionit dhe zhvillimit të startup-eve në vend.
View this post on Instagram
Nga ana tjetër, New Ventures i cili i përket së njëjtit subjekt ka fituar 59 milionë lekë të vjetra. Pra në total i njëjti subjekt ka përfituar 122 milion lekë të vjetra nga dy fonde.
Nismat e qeverisë dolën sërish zbuluar dhe edhe këtë herë shkeljet kaluan pa u vënë re. Fondet mund të vidhen kaq lehtë nga një, dy ose më shumë aplikacione të rëndomta, ku kryejnë “shërbime” për të zhvatur miqtë e qeverisë.
