Lista e nominimeve për çmimin Golden Boy 2021 është shkurtuar nga 80 në 60, në kërkim të atij që do të shpallet si talenti më i mirë i r ii futbollit europian. Fituesi do të rrëzojë nga forni Erling Haaland, ndërsa çmimi është fituar më parë nga lojtarë si Ëayne Rooney, Lionel Messi, Paul Pogba, Raheem Sterling dhe Kylian Mbappe.
Në listën e 60 më të mirëve është përfshirë edhe sulmuesi shqiptar, Armando Broja. Vitin e kaluar ai bëri një sezon të mirë me Vitese në Holandë, duke shënuar 11 gola në 30 ndeshje.
Çmimi jepet nga gazeta italiane “Tuttosport”, që e filloi procesin duke përzgjedhur 100 talentet më të mirë në qershor, duke e shkurtuar listën më pas në 80 e tashmë në 60, ku edhe Broja është përfshirë. Në shtator lista shkurtohet në 40 lojtarë, para se të zbulohen 20 përfundimtarët në tetor.
Votimi publik në internet është përgjegjës për heqjen e listës së ngushtë, por një panel ekspertësh nga gazetat dhe kanalet televizive kryesore italiane do të zgjedhin fituesin në nëntor, ndërsa ceremonia e ndarjes së çmimeve do të zhvillohet në mes të dhjetorit.
Mes pretendentëve kryesorë për të fituar çmimin është lojtri i Barcelonës, Pedri Gonzalez, i cili luajti një rekord prej 73 ndeshjesh, si me klubin ashtu edhe me kombëtaren, që kur u transferua te katalanasit verën e kaluar.
Pjesë e listës është edhe Bukayo Saka i Arsenal, Bellingham i Dortmund, Yusuf Demir dhe Eric Garcia nga Barcelona.
