Para pak ditësh u njoftua se Danimarka do të shkonte drejt “LockDown-it” shkencëtarët kanë gjetur një mutacion të COVID-19 tek nuselalat daneze të kultivuara për pellushin e tyre.
Për të parandaluar një përhapje të shpejtë të këtoj muatcioni që mund të çojë dëm të gjitha përpjekjet për vaksinën kundër Covid-19, shteti danez ka vendosur që të eliminojë 17 milionë nuselala të cilat po hidhen në varre masive.
Varianti i ri i Covid-19— i quajtur Grupimi 5 — ka shkaktuar alarm pasi mund të bëjë të paefektshme vaksinën nëse përhapet në popullatë. Zyrtarët danezë thonë se varianti i ri i koronavirusit ka infektuar 13 njerëz në veri të vendit.
Mediat ndërkombëtare kanë shpërndarë disa pamje të ekskavatorëve që lëshojnë mijëra nuselala të vdekura në varret masive të gërmuara së fundmi, ndërsa punonjësit me veshje të rënda anti-infektive spërkasin mjetet me dezinfektantë.
Ministria daneze e mjedisit tha se kafshët po varrosen në territor ushtarak pranë qytezës veriore të Holstebro, pasi nuk ka mjaftueshëm inçeneratorë për të djegur kufomat dhe se deri më tani ka eliminuar të paktën 2 milionë nga kafshët e kultivuara për pellushin e tyre.
Zyrtarët besojnë se virusi mutant ka kaluar nga punonjësit e industrisë së pellushit të infektuar te kafshët, dhe tani ato po i rikthehet punonjësve ne veriantin me mutacion të Covid-19.
Ndërkohë në Britaninë e Madhe të infektuarit me Covid që kthehen nga Danimarka, do të mbahen në karantinë rigoroze.
