Një fëmijë ka humbur jetën si pasojë e shprthimit që ndodhi ditën e sotme në afërsi të aeroportit të Kabulit. Një shef i policisë afgane ka thënë se një raketë ka goditur një lagje në veriperëndim të aeroportit në mes të evakuimit amerikan atje, dhe fatkeqësisht një fëmijë ka mbetur viktimë.
Rashid, shefi i policisë në Kabul, tha për Associated Press se raketa goditi të dielën pasdite.
Pas një sulmi vetëvrasës të enjten, përgjegjësinë e të cilit e mori Shteti Islamik në Provincën Khorasan, ISKP (ISIS-K), një anëtar i ISIL, që vrau të paktën 175 njerëz, talebanët rritën sigurinë e tyre rreth aeroportit ndërsa Mbretëria e Bashkuar përfundoi fluturimet e saj të evakuimit të shtunën.
Pentagoni tha tpo të shtunën se sulmet hakmarrëse me dron kishin vrarë dy objektiva të “nivelit të lartë” ISKP në Afganistanin lindor, por Biden paralajmëroi për më shumë sulme nga grupi.
“Situata në terren vazhdon të jetë jashtëzakonisht e rrezikshme dhe kërcënimi i sulmeve terroriste në aeroport mbetet i lartë. Komandantët tanë më informuan se një sulm ka shumë të ngjarë në 24-36 orët e ardhshme”, tha Biden në një deklaratë.
Ambasada amerikane në Kabul më vonë lëshoi një paralajmërim për kërcënime të besueshme në zona të veçanta të aeroportit, përfshirë portat e hyrjes.
