Edhe në Greqi numri i të infektuarve dhe viktimave nga Covid-19 po rritet çdo ditë e më shumë dhe për këtë qeveria ka vendosur që të marrë masa kufizuese për të parandaluar përhapjen e mëtejshme të virusit.
Kryeministri i Greqisë, Mitsotakis njoftoi ditën edjeshme se mbyllja kombëtare do të nisë ditën e shtunë në orën 18:00 dhe do të zgjasë deri në 30 nëntor. Një ditë para mbylljes totale grekët janë dyndur drejt dyqaneve për të bërë blerjet e fundit përpara se të izolohen.
Përveç radhës së madhe në dyqane, supermarkete dhe ushqimore në rrugët e Athinës ka patur dhe një trafik të rënduar e cila ka krijuar dhe vështirësi në lëvizje dhe qarkullim.
Në preferencat për blerjet e fundit janë dyqanet me pajisje elektronike, lodra dhe libra, por edhe dyqanet me veshje. Sidoqoftë, ka shumë që, pavarësisht nga fakti se dyqanet e ushqimit do të qëndrojnë të hapura, formojnë radhë edhe në supermarkete.
Por përveç radhës për blerje, radhë të gjata ka patur dhe në banka pasi shumë qytetarë po zgjedhin të largohen nga Athina drejt zonave periferike, ditën e sotme nga ora 06:00 deri në orën 09:00 u larguan nga Athina 12,548 automjete.
