Ashtu siç edhe kishte parajmëruar kryeministri Edi Rama, këtë të dielë do të bëhet vaksinimi i personaliteteve të moshuar mbi 80 vjeç.
Që prej orëve të para të mëngjesit në stadiumin “Air Albania” kanë mbërritur disa figura mjaft të njohura të vendit tonë.
Deri më tani u panë të mbërrijnë Tinka Kurti ,Sherif Merdani, Pirro Milkani, Sherif Merdani, Aleksandër Meksi, Alfred Moisiu, Reshat Arbana, Margarita Xhepa, të cilët do të marrin dozën e parë të vaksinës.
Kujtojmë se dalja jashtë planit të përcaktuar në planin kombëtar të vaksinimit është gati e zakonshme për kreun e qeverisë.
Më herët Rama deklaroi se vaksinimi do të vazhdojë më bluzat bardha, por përsa i përket të moshuarve, ai tha se do të vaksinohen të parët ata që janë personalitete në shoqëri.
Ky deferencim që bëri kryeministri Rama ngjalli shumë reagime të forta publike, ku disa prej tyre e cilësonin dhe veprim prej diktatori.
Sipas tij të parët që do të vaksinoheshin do të ishin mjekët që janë në vijën e parë të luftës dhe më pas moshat e thyera si grupmosha më e prekur nga virusi.
Por startegjia e re e qeverisë Rama tregon qartë natyrën e vetë qeverisë në diferencimin dhe dallimin e theksuar mes shtresave, duke i dhënë më shumë rëndësi një personaliteti se një qytetari të thjeshtë.
