Procesi i vaksinimit ka nisur ditën e sotme dhe në Elbasan dhe këtë rast nuk mund ta humbiste as kryeministri Edi Rama që edhe pse ka qenë prezent, nuk ka folur për mediat. Vaksinimi ka filluar me bluzat e bardha, por jo të gjithë punonjësit e shëndetësisë në Elbasan do mund të marrin dozat e nevojshme. Kjo pasi janë vetëm 300 vaksinat që janë dërguar në Elbasan, që do të thotë se në total do të vaksinohen 150 persona, pasi vaksina e Pfizer aplikohet në dy doza në mënyrë që të jetë efektive. Në vendin tonë kanë ardhur gjithsej jo më shumë se 9140 doza që mjaftojnë për të vaksinuar vetëm 4570 persona me dy dozat e nevojshme. Nisja e vaksinimit në disa qytete vetëm krijon idenë se ky proces po ecën me ritme të përshpejtuara dhe në rrugën e duhur. Ndërkohë, e vërteta është se me këto ritme, kur çdo ditë adimnistrohen 100 doza vaksine do të duheshin mës humë se 5 mijë ditë për të përfunduar vaksinimin e vetëm 10% të popullsisë(sipas Reuters). Por më i rëndësishëm se shëndeti i qytetarëve, për ramën është thelbësore që të bëjë figurë të mirë disa muaj para zgjedhjeve.
Ndërkohë, nga Elbasani është shprehur se nëse COVID do të kishte ardhur në ato spitale, do të na kishte gjetur hataja.
“Më shkon mendja o Zot sikur larg qoftë të kishte ardhur Covidi me këto spitale. Ose të na kishte gjetur në këtë situatë. Atëhere do të shihnim ne cfarë hataje do ishte”, tha Rama.
Me sa duket Rama nuk është i informuar se spitalet COVID janë tashmë drejt ezaurimit dhe COVID po bën namin çdo ditë në vendin tonë. Veç këtyre shëndetësia vuan nga mungesa e vazhdueshme e investimeve që i ka lënë spitalet në kushte të mjerushme, aq sa i lënë njerëzit të vdesin në karrige nëpër korridore (rasti i Rifat Lalos) dhe mbi të gjitha nga korrupsioni e burokracia që fillon që në ministri.
