Kryeministri i Shqipërisë, Edi Rama, është nisur për një vizitë zyrtare në Hungari. Pas Hungarisë, kryeministri Rama do të qëndrojë dhe në Bullgari, gjithashtu për një vizitë zyrtare, ndërsa në Shqipëri pritet që të vijë të mërkurën.
Në këto dy vende, Rama do të zhvillojë takime me zyrtarë të ndryshëm në lidhje me marrëdhënien mes vendeve. Ndërkohë, vizitat vijnë pas disa ditë zgjedhjeve të 25 prillit, ku Partia Socialiste fitoi mandatin e tretë. Fokus i takimeve të kryeministrit me lideret e tre vendeve pritet të jetë çështja e integrimit në BE.
Rama largohet pikërisht sot nga Shqipëria, në ditën kur nis operacioni “Bregdeti Ynë”, duke u shkatërruar qindra prona në bregdetet shqiptare. Rama e kishte paralajmeruar këtë operacion, ndërsa sot është vënë në zbatim.
Fillimisht, aksioni ka nisur në zonën e Ksamilit. Operacioni ka nisur me objektet që janë fare pranë bregdetit. Janë me dhjetëra objekte në Ksamil, të cilat janë në plan për t’u prishur. Operacioni për prishjen e ndërtimeve pa leje u njoftua nga kryeministri Edi Rama pak ditë më parë. Aksioni do të vijojë pothuajse në të gjitha zonat bregdetare të vendit.
Paralelisht me Ksamilin, aksioni për prishjen e objekteve pa leje ka nisur edhe në Velipojë. Në terren të pranishëm janë zv/ ministri i Brendshëm Besfort Lamallari, drejtori i Policisë së Shkodër Niko Brahimaj dhe si drejtuesi i IKMT-së.
