Ka nisur pak më parë seanca për konstituimin e qeverisë së re të Kosovës, ndërsa Albin Kurti ka folur para deputetëve duke prezantuar disa nga pikat e programti të Lëvizjes Vetëvendosje, fituese e këtyre zgjedhjeve. Para deputetëve të rinj Kurti ka thënë se sfida kryesore do të mbetet pandemia, ndërsa Brenda vitit synohet vaksinimi i 60% të popullsisë. Pika të tjera ku qeveria “Kurti 2” do të fikusohet janë edhe arsimi, drejtësia dhe ekonomia. Lideri i LVV ka thënë se këto fusha kanë nevojë për reformë. Ai gjithashtu ka thënë se do të fillojnë Reformën në Drejtësi.
“Sot është një ditë e re për të gjithë qytetarët. Pas shumë pengesave, më në fund ajo që dukej e paarritshme po bëhet realitet. Jemi mbledhur për të jetësuar referendumin e qytetarëve në 14 shkurt. Populli pret që ne të zgjedhim qeverinë dhe organet e tjera. Sfidat para qeverisë së re janë të shumta.
Pandemia mbetet sfida kryesore. Me ministrine ri të Shëndetësisë do të fillojmë një plan. Brenda vitit synojmë vaksinat për 60% të popullsisë. Drejtësia, arsimi, ekonomia kanë nevojë për reformë.
Në Kosovën e papunë çdo vit është më i rëndë për qytetarët, por viti që lamë pas ka rënduar më shumë.
Do të fillojmë me Reformën në Drejtësi, procesi i vettingut do të vazhdojë aty ku ka mbetur pranverën e kaluar. Arsimi do të reformohet”, ka thënë Kurti.
