Të punosh shitës/e në supermarkete në disa prej vendeve të Bashkimit Europian, nuk është dhe aq e lehtë.
Ai që mund të konsiderohet si një profesion i rëndomtë i të qëndruarit pas një kase, duke kaluar një nga një produktet në skanerin e bar-kodeve, në fakt është një profesion që nga ekspertët konsiderohet si i vështirë.
Kjo do të bëjë që një prej kompanive më të mëdha të rrjeteve të supermarketeve në Zvicër, të revolucionarizojë këtë profesion duke nisur me rritjen e pagave.
Rrjeti i supermarketeve “Aldi” në Zvicër, ka vendosur që paga minimale e punonjësve të nisë nga 4065 euro pa taksat, raporton gjermanja “BILD”.
Lajmi ka bërë shumë bujë, edhe për faktin se ky rrjet supermarketesh ka degët e tij në të gjitha shtetet gjermanofone, si Gjermania, Austria, Polonia, Çekia, ndaj kjo do të bëjë që rritja të vijë zinxhir dhe të rivalizojë konkurrentët, raporton gazeta gjermane “BILD”.
Paga minimale është shumë më e lartë se ajo e punonjësve aktual gjermanë të kompanisë “Aldi”, por edhe kostot e jetesës sipas ekspertëve në Zvicër janë më të larta.
“Aldi” është në Zvicër prej vitit 2005 dhe ka më shumë se 200 degë. Por iniciativa e kësaj kompanie duket se do të trondis bilancin e pagave të kompanive të tjera në të gjithë Europën, që punonjësit e supermarketeve i paguajnë më pak.
/Burimi: BILD/ Përshtati: GazetaReforma.com/
