Tryeza e diskutimeve për reformën zgjedhore e ndërmjetësuar nga OSBE-ja, ka nisur me sherr.
Diskutimin e ka hapur ambasadori i BE-së në Shqipëri, Bernd Borchardt.
Menjëherë pas tij ka ndërhyrë deputeti socialist Damian Gjiknuri, i cili ka dashur t’i japë fjalën sekretarit për Çështjet Zgjedhore në PD, Ivi Kasos.
Siç shkruan “Dosja.al”, kjo gjë nuk i ka pëlqyer aspak Kujtim Gjuzit, i cili ka kërkuar që fjalën ta marrë kryetarja e Grupit Parlamentar të PD, Rudina Hajdari.
Gjuzi mësohet të ketë thënë, se para Hajdarit nuk do të flasë njeri. Gjiknuri i është kundërpërgjigjur, duke i thënë të mos bëjë avokatin e Hajdarit dhe të qëndrojë si njeri.
DEBATI:
Gjiknuri: Mos prish tryezën tani të lutem. Do të flasë Ivi Kaso.
Gjuzi: Para Rudina Hajdarit nuk flet njeri këtu. Të flasë Rudina Hajdari. Nuk do të pyes unë ty këtu.
Gjiknuri: Rri si njeri tani. Mos bëj avokatin e kësaj ti. Tani ju doni të mos ecë tryeza se po e drejtojmë ne.
OSBE-ja deklaroi se do të mbantë më 25 shtator në tryezë të përbashkët për diskutimet mbi Reformën Zgjedhore.
Ftesa iu dërgua nga kryeministri Edi Rama edhe partive opozitare, të cilat dogjën mandatet.
Pas miratimit të reformës në drejtësi, reforma zgjedhore është një nga prioritetet kryesore të ndërkombëtarëve.
