Inaugurimi i Presidentit të 46-të të Shteteve të Bashkuara të Amerikës ka nisur në Uahington DC. Presidenti i zgjedhur Joe Biden do të bëjë betimin si president në një kohë përçarjesh të thella dhe krizash të vështira.
Ndryshe nga çdo herë tjetër në një ceremoni si kjo do të mungojnë njerëzit për shkak të zbatimit të masave kundër përhapjes së koronavirusit, pandemisë që ka pushtuar mbarë globin.
Ekipi i Biden është përpjekur të mbajë turmat në minimum dhe u ka kërkuar amerikanëve që të mos udhëtojnë në Uashington, DC, por ta ndjekin inaugurimin nga shtëpitë e tyre.
Në vend të njerëzve, komiteti i inaugurimit ka vendosur 200,000 flamuj që përfaqësojnë të 56 shtetet dhe territoret amerikane.
Të ftuarit
Ish-Presidentët Obama, Clinton dhe Bush në ceremoni
Ish Presidenti Bill Clinton dhe e nominuara për Presidente e Demokratëve në 2016, Hillary Clinton sapo u prezantuan në ceremoninë e inaugurimit në Kapitol, SHBA.
Pak më vonë, ish-Presidenti George W. Bush dhe ish-zonja e parë Laura Bush u njoftuan gjithashtu.
Ish Presidenti Barack Obama dhe ish-zonja e parë Michelle Obama janë gjithashtu në Kapitol për inaugurimin.
Ish Presidenti Jimmy Carter, ish Presidenti më i vjetër ende gjallë, nuk pritet të marrë pjesë në ceremoninë e sotme.
Ndërsa Presidenti Donald Trump u largua nga Shtëpia e Bardhë më herët këtë mëngjes dhe gjithashtu nuk do të marrë pjesë në inaugurimin e Biden.
Kush e shoqëron Kamala Harris në ceremoni
Kamala Harris do të shoqërohet në ceremoninë e inaugurimit nga oficeri i Policisë së Kapitolit, Eugene Goodman i cili u bëri ballë rezistencës së protestuesve që sulmuan Senatin dy javë më parë.
Një ndihmës i Biden konfirmon për CNN se Goodman do të shoqërojë Harris në rolin e tij të ri si ushtrues i detyrës së zëvendës rreshterit të Shtëpisë së Bardhë.
Biden falënderon bashkëshorten
Presidenti i ri i SHBA, Joe Biden gjatë inaugurimit në Capitol nuk ka harruar të falënderojë bashkëshorten Jilly Biden e cila sot gjithashtu bëhet Zonja e Parë.
Biden i shpreh hapur dashurinë Jilly-t, duke thënë se nuk mund të ishte më mirënjohës që të kisha me vete në udhëtimin e para.
“Unë të dua, Jilly, dhe nuk mund të isha më mirënjohës që të kisha me vete në udhëtimin tim.’’- shkruan Biden./Gazetareforma.com/
