Ministri i Mbrojtjes, Niko Peleshi ka rezultuar pozitiv me COVID-19. Lajmin e ka bërë të ditur vetë ai me anë të një postimi në rrjetet sociale, ku tregon se pavarësisht kujdesit, ai është infektuar. Peleshi ka thënë se është karantinuar në shtëpi dhe po i ushtron detyrat në distancë. Ndër të tjera ai ka bërë thirrje për durim me mast e zgjatura të pandemisë.
Postimi i Niko Peleshit:
Me gjithë kujdesin e treguar gjatë gjithë ketyre muajve, dje pas testit rezultova pozitiv me COVID-19.Fatmirësisht kam simptoma të lehta dhe jam karantinuar në banesë nga ku po ushtroj në distancë detyrat. Kohëzgjatja e pandemisë na i bën të vështirë përqendrimin e përditshëm kundrejt masave, por duhet të bëjmë durim edhe pak.
Ministri i Mbrojtjes nuk është ndër përfaqesuesit e vetëm të Partisë Socialiste që është infektuar me koronavirus. Pak ditë më parë, ish-ministrja e Kulturës, Mirela Kumbaro njoftoi se edhe ajo kishte rezultuar pozitive. Ndërkohë, shifrat e pandemisë në vendin tonë vazhdojnë të mbeten të larta. Ditën e djeshme ka pasur një ulje të lehtë të numrit të rasteve, me 953 të infektuar, pas disa ditësh që shifrat i tejkalonin 1 mijë. Ndërkohë, në Shqipëri ka nisur me ritme të ulëta procesi i vaksinimit me 1170 dozat e dyta që erdhën ng komopania Pfizer pak ditë më parë.
