Paralelisht daljes së deputetit Ervin Saljani në një konferencë me gazetarët po zhvillohej mbledhja e grupit parlamentar opozitar për procedurat se si do reagonin kundrejt vendimit për çështjen “Babalja”. Sipas burimeve nga mbledhja raportohet se ka disa propozime për hapat që do ndiqen. Një nga më radikalët është i Gazment Bardhit, kreu i grupit parlamentar ku kërkon ngujimin në seli të opozitës, ku nëpërmjet këtij hapi kërkon të mbrohet deputeti Saljani që veprimi të mos ekzekutohet.
“Mos pranimin e padrejtësisë, grupi parlamentar t’i kërkojë Ervin Salianjit të mos ekzekutojë vendimin politik të Edi Ramës. Grupi Parlamentar të ngujohet 24 orë pa ndërprerje, pa afat, në selinë e Partisë Demokratike”, mësohet të ketë thënë ai.
Ndërkohë vetë deputeti u tregua shumë i kujdesshëm gjatë fjalës së tij ku ë asnjë rast nuk deklaroi refuzimin e urdhrit të Prokurorisë dhe zbatimin e vuajtjes së dënimit. Kurse në lidhje me këto propozime të kolegëve të grupit, u shpreh se “do i dëgjoj dhe pastaj do të marrë një vendim”.
